გსურს საერთაშორისო აკადემიური გამოცდილების მიღება?
Erasmus+ გაცვლითი პროგრამის ფარგლებში ილიას სახელმწიფო უნივერსიტეტის სტუდენტებს შეუძლიათ 1 სემესტრის განმავლობაში ისწავლონ პარტნიორ ევროპულ უნივერსიტეტებში, ისარგებლონ ევროკომისიის მიერ გამოყოფილი დაფინანსებით მგზავრობისა და ცხოვრების ხარჯების დასაფარად, განივითარონ ინტერკულტურული და პროფესიული უნარები და მიიღონ დაუვიწყარი აკადემიური და ცხოვრებისეული გამოცდილება. პროგრამის ფარგლებში მობილობა ხორციელდება საზღვარგარეთ გატარებული სასწავლო პერიოდის აკადემიური აღიარების და კრედიტების დაგროვების (credit mobility) მიზნით.
ილიას სახელმწიფო უნივერსიტეტის მიერ ადმინისტრირებული კონკურსი 2026/27 წლის შემოდგომის სემესტრისათვის
ელექტრონული განაცხადის ფორმა ძირითადი კონკურსისთვის
განაცხადის წარმოდგენის ბოლო ვადა: 16 თებერვალი 2026, 18:00 საათი
ექსპერტისთვის სასწავლო ხელშეკრულების გაგზავნის ბოლო ვადა: 4 თებერვალი 2026, 18:00 საათი
საინფორმაციო შეხვედრების განრიგი:
28 იანვარი, 11:00 საათი (Online შეხვედრა) | შეხვედრა ჩატარდება ონლაინ შემდეგ ბმულზე: 28 იანვარი, საინფორმაციო შეხვედრა |
29 იანვარი, 13:00 საათი | ადგილმდებარეობა: ილიას სახელმწიფო უნივერსიტეტი, G106 აუდიტორია, გ. წერეთლის ქ. N1 |
2 თებერვალი, 11 საათი (Online შეხვედრა ინგლისურ ენაზე) | შეხვედრა ჩატარდება ონლაინ შემდეგ ბმულზე: 2 თებერვალი, საინფორმაციო შეხვედრა |
3 თებერვალი, 16:00 საათი | ადგილმდებარეობა: ილიას სახელმწიფო უნივერსიტეტი, G106 აუდიტორია, გ. წერეთლის ქ. N1 |
როდის და როგორ შეუძლია დაინტერესებულ კანდიდატს კონკურსში მონაწილეობის მიღება?
Erasmus+ გაცვლითი პროგრამის ფარგლებში კონკურსი აკადემიური წლის განმავლობაში ორჯერ ცხადდება:
- შემოდგომის სემესტრის დასაწყისში
მობილობა განხორციელდება მომდევნო გაზაფხულის სემესტრში
- გაზაფხულის სემესტრის დასაწყისში
მობილობა განხორციელდება მომდევნო შემოდგომის სემესტრში
კონკურსის შესახებ ინფორმაცია ვრცელდება არგუსის, ელფოსტისა და ოფიციალური ვებგვერდის საშუალებით. საერთაშორისო ურთიერთობების სამსახური კონკურსის პერიოდში ყოველკვირეულად მართავს საინფორმაციო შეხვედრებს.
გარდა ილიაუნის მიერ ადმინისტრირებული კონკურსისა, პერიოდულად ასევე გამოცხადდება კონკურსები, რომლებიც პარტნიორი უნივერისტეტების მიერ არის ორგანიზებული, რის შესახებაც ინფორმაცია იგივე საშუალებებით გავრცელდება.
ვის აქვს Erasmus+ გაცვლითი პროგრამის კონკურსში მონაწილეობის უფლება?
- ილიას სახელმწიფო უნივერსიტეტის ბაკალავრიატის, მაგისტრატურისა და დოქტორანტურის საფეხურის აქტიური სტატუსის მქონე სტუდენტს, რომელიც ირიცხება რელევანტურ საფეხურზე ილიას სახელმწიფო უნივერსიტეტში როგორც კონკურსის მიმდინარეობისას, ისე მობილობის პერიოდში (განაცხადის შემოტანა შესაძლებელია მხოლოდ იმ საფეხურზე, რომელზეც კანდიდატი ირიცხება კონკურსის მიმდინარეობისას); გაითვალისწინეთ, რომ კონკურსის მიმდინარეობის პერიოდში დაუშვებელია სტუდენტის სტატუსის ცვლილება (კონკურსი მოიცავს განაცხადების მიღების გამოცხადებიდან მასპინძელი უნივერსიტეტის მხრიდან საბოლოო დასტურის მიღებამდე პერიოდს).
- ბაკალავრიატის საფეხურის სტუდენტს დაგროვებული უნდა ჰქონდეს მინიმუმ. 60 კრედიტი
კონკურსში მონაწილეობისთვის რა სავალდებულო წინაპირობების დაკმაყოფილებაა აუცილებელი?
- კანდიდატი უნდა ფლობდეს შესაბამის უცხო ენას მინ. B2 დონეზე, რის დასადასტურებლადაც მან კონკურსის პერიოდში უნდა წარმოადგინოს შესაბამისი დამადასტურებელი დოკუმენტი (დეტალური ინფორმაცია იხილეთ ბმულზე)
- ბაკალავრიატისა და მაგისტრატურის საფეხურის სტუდენტი ვალდებულია სააპლიკაციო ფორმაში წარმოადგინოს კურიკულუმის ექსპერტთან შეთანხმებული და ფაკულტეტის დეკანის მიერ ხელმოწერილი სასწავლო ხელშეკრულება იმ მოცულობის საგნების მითითებით, რომლებიც მინიმუმ 12 კრედიტად აღიარდება სტუდენტის მშობლიური კურიკულუმის ფარგლებში (თუ მასპინძელ უნივერსიტეტს დაწესებული აქვს კრედიტების განსხვავებული მინიმალური რაოდენობა, მათი მოთხოვნა იქნება უპირატესი).
- ბაკალავრიატისა და მაგისტრატურის საფეხურის სტუდენტს არ უნდა ჰქონდეს მოპოვებული Erasmus+ სტიპენდია ანალოგიურ საფეხურზე;
- მაგისტრატურის საფეხურის სტუდენტისათვის მობილობის განხორციელება შესაძლებელია მხოლოდ მისი ძირითადი/მომიჯნავე მიმართულებით;
- დოქტორანტურის საფეხურის სტუდენტების Erasmus+ გაცვლით პროგრამის ფარგლებში განხორციელებული და დაგეგმილი მობილობის პერიოდი არ უნდა აღემატებოდეს 12 თვეს;
- დოქტორანტურის საფეხურის სტუდენტებს არ უნდა ჰქონდეთ დასრულებული და ჩაბარებული სადისერტაციო ნაშრომი როგორც განაცხადის შემოტანის, ისე მობილობის განხორციელების დროს;
- დოქტორანტურის საფეხურის სტუდენტებს დაცული უნდა ჰქონდეთ პროსპექტუსი. გამონაკლისი დაიშვება იმ დოქტორანტი სტუდენტებისთვის, რომლებიც კონკურსის ეტაპზე წარმოადგენენ შესაბამისი ფაკულტეტის დეკანის წერილობით თანხმობას მათ მიერ საერთაშორისო მობილობის განხორციელებაზე პროსპექტუსის დაცვამდე.
შესაძლებელია თუ არა დამამთავრებელ სემესტრში მობილობის განხორციელება?
- ბაკალავრიატის დამამთავრებელ სემესტრში მობილობა შესაძლებელია ყველა პარტნიორ უნივერსიტეტში.
- მაგისტრატურის დამამთავრებელ სემესტრში მობილობა შესაძლებელია მხოლოდ ზოგიერთ პარტნიორ უნივერსიტეტში, რის შესახებაც დაზუსტებული ინფორმაცია მოცემულია კონკურსის შესახებ განცხადებაში.
- დოქტორანტურის სტუდენტების დამამთავრებელ სემესტრში მობილობა შესაძლებელი არ არის, თუკი სტუდენტს უკვე ჩაბარებული აქვს სადისერტაციო ნაშრომი.
- დეტალური ინფორმაცია იხილეთ ბმულზე (პარ. 2.2.1).
ელექტრონული განაცხადის ფორმა ძირითადი კონკურსისთვის 2026-27 აკადემიური წლის შემოდგომის სემესტრისთვის
განაცხადის წარმოდგენის ბოლო ვადა: 16 თებერვალი 2026, 18:00 საათი
როგორ ხდება ელექტრონული განაცხადის წარდგენა ილიაუნის მიერ ადმინისტრირებული კონკურსისთვის?
- ელექტრონული განაცხადი უნდა შეივსოს ილიას სახელმწიფო უნივერსიტეტის ელ- ფოსტის მისამართის გამოყენებით. დაუშვებელია განაცხადის შევსება პირადი ან სხვა პიროვნების ელ-ფოსტის გამოყენებით.
- სააპლიკაციო ფორმაში დოკუმენტების ასატვირთად ილიაუნის ელ-ფოსტასთან დაკავშირებულ google drive-ზე უნდა გქონდეთ თავისუფალი სივრცე.
- კანდიდატმა განაცხადი კონკურსის ვადის დაცვით უნდა წარმოადგინოს ელექტრონულად.
- განიხილება მხოლოდ სრულყოფილი განაცხადები. დაუშვებელია კონკურსისათვის საჭირო დოკუმენტების ეტაპობრივად გამოგზავნა. ასეთ შემთხვევაში კანდიდატი ავტომატურად მოიხსნება კონკურსიდან.
რამდენ უნივერსიტეტში შეუძლია კანდიდატს განაცხადის წარმოდგენა?
- სტუდენტს განაცხადის წარმოდგენა მაქსიმუმ 5 უნივერსიტეტისათვის შეუძლია. გაითვალისწინეთ, რომ ელექტრონული განაცხადის ფორმა მხოლოდ ერთხელ ივსება და თითოეული უნივერსიტეტისათვის ცალ-ცალკე განაცხადის წარმოდგენა საჭირო არ არის.
- ამასთან, მნიშვნელოვანია გაითვალისწინოთ, რომ განაცხადში მითითებული უნივერსიტეტების თანმიმდევრობა უნდა შეესაბამებოდეს თქვენს პრიორიტეტებს. ნომინირების ეტაპზე აღნიშნული პრიორიტეტების გათვალისწინება შესაძლებლობების ფარგლებში მოხდება.
ილიაუნის მიერ ადმინისტრირებული ძირითადი და დამატებითი კონკურსების შემთხვევაში:
- სტუდენტს მონაწილეობის მიღება შეუძლია ორივე (ძირითად და დამატებით) კონკურსში, თუმცა, შერჩეული უნივერსიტეტების რაოდენობა ორივე კონკურსისთვის ერთად არ უნდა აღემატებოდეს ჯამში 5 უნივერსიტეტს.
- თუ სტუდენტი ორივე კონკურსში მონაწილეობს და ძირითადი კონკურსის დასრულებამდე მიიღებს დადებით პასუხს დამატებითი კონკურსის ფარგლებში, მისი კანდიდატურის განხილვა ძირითადი კონკურსის ფარგლებში აღარ მოხდება; ხოლო დამატებით კონკურსში უარის მიღების შემთხვევაში, გამსვლელი ქულის მქონე სტუდენტის ნომინირება მოხდება ძირითადი კონკურსის ფარგლებში. იმ სტუდენტს, რომელსაც არ ექნება დამატებით კონკურსში შერჩევის შესახებ საბოლოო პასუხი ძირითადი კონკურსის დასრულებამდე და ამავდროულად ექნება საკმარისი ქულა ძირითადი კონკურსისთვის, მას მიეცემა საშუალება, უარი თქვას დამატებითი კონკურსის ფარგლებში ნომინირებაზე და უპირატესობა მიანიჭოს ძირითადი კონკურსის შედეგს ან, პირიქით, უარი თქვას ამ უკანასკნელში ნომინირებაზე და დაელოდოს დამატებითი კონკურსის შედეგებს.
რა უნდა გავითვალისწინოთ მასპინძელი უნივერსიტეტების შერჩევისა და მათთვის პრიორიტეტების მინიჭების დროს?
- უნივერსიტეტის შერჩევისას მნიშვნელოვანია რამდენიმე ფაქტორის გათვალისწინება. გაეცანით კონკურსის განცხადებაში თითოეული უნივერსიტეტისათვის მითითებულ ინფორმაციას იმის შესახებ, თუ რომელი საფეხურისა და მიმართულების სტუდენტებისათვის არის კონკურსი გამოცხადებული, აქვს თუ არა უნივერსიტეტს სტუდენტების მიღების რაიმე წინაპირობა, აქვე იხილავთ შემოთვაზებული კურსების ჩამონათვალს და ა.შ.
- ამ მონაცემებზე დაყრდნობით შეძლებთ თქვენთვის რელევანტური უნივერსიტეტების იდენტიფიცირებას და მათ დალაგებას პრიორიტეტების მიხედვით.
რა კითხვებზე უნდა უნდა გასცეს სტუდენტმა პასუხი სააპლიკაციო ფორმაში?
სააპლიკაციო ფორმაში სტუდენტს მოეთხოვება მოტივაციის შესახებ შემდეგ კითხვებზე პასუხების გაცემა:
- Why would you like to participate in the Erasmus + exchange program? (max. 400 characters)
- Name your personal reasons why you would like to study in this particular country / at this particular university / on this particular program? (write for each chosen university) (max. 800 characters)
- How do the courses/research activities selected at host institution(s) complement and broaden your previous/current studies/research? (max. 600 characters)
- Describe your career and future plans as well as relevant extracurricular activities. (max. 400 characters)
- In what way would study/research activities within this program relate to your career objectives and future prospects? (max. 600 characters)
- What qualifications and skills of yours will be beneficial / enable you to succeed while studying/researching abroad? (max. 600 characters)
- Do you have a specific research interest / additional activity that you would like to pursue at a host institution? (optional) (max. 600 characters)
- What makes you the best candidate to be selected (optional) (max. 400 characters)
√ კანდიდატმა ყველა დოკუმენტი უნდა წარმოადგინოს ინგლისურ ენაზე. თუკი საბუთი გაცემულია მხოლოდ ქართულ ენაზე, საჭიროა მისი თარგმნა და ნოტარიულად დამოწმება.
√ ყველა დოკუმენტი უნდა მომზადდეს PDF ფორმატში (თითოეული დოკუმენტის ზომა არ უნდა აღემატებოდეს 10MB-ს).
√ დოკუმენტების დასათაურება უნდა მოხდეს ქვემოთ მითითებული ინგლისურენოვანი დასახელებების შესაბამისად (მაგ.: Name Surname_Transcript of Records).
√ კონკურსანტმა ყველა საჭირო დოკუმენტი კონკურსის ვადის დასრულებამდე ერთდროულად უნდა წარმოადგინოს –
- იმ შემთხვევაში, თუ სტუდენტი განაცხადების მიღების ვადის გასვლამდე გამოგზავნილ განაცხადში აღმოაჩენს ხარვეზს, შეუძლია ამის შესახებ აცნობოს ილიას სახელმწიფო უნივერსიტეტის საერთაშორისო ურთიერთობების სამსახურს, რის შემდეგაც სტუდენტს მიეცემა საშუალება, საკონკურსო ვადის დასრულებამდე განახლებული განაცხადი წარმოადგინოს.
- იმ შემთხვევაში, თუ სტუდენტი რეგისტრირებულია უცხო ენის სასერტიფიკატო გამოცდაზე და კონკურსის პერიოდში არ აქვს შედეგების წარმოდგენის საშუალება, გამონაკლისის სახით, მას აქვს უფლება, ელექტრონული განაცხადის ფორმის შესაბამის გრაფაში წარმოადგინოს გამოცდაზე რეგისტრაციის დამადასტურებელი დოკუმენტი; ვალიდური სერტიფიკატის წარმოსადგენად სტუდენტს განაცხადების მიღების დასრულების შემდგომ ეძლევა 7 კალენდარული დღე.
სავალდებულო დოკუმენტები |
ბაკალავრებისთვის |
მაგისტრანტებისთვის |
დოქტორანტებისთვის |
| ვალიდური პასპორტის ან პირადობის მოწმობის ასლი / Passport or ID Card | სავალდებულოა | სავალდებულოა | სავალდებულოა |
| რეზიუმე / CV (სასურველია EUROPASS ფორმატში) | სავალდებულოა | სავალდებულოა | სავალდებულოა |
| შესაბამისი უცხო ენის მინ. B2 დონის კომპეტენციის დამადასტურებელი სერტიფიკატი/ცნობა / Language Certificate.
ენის კომპეტენციის დამადასტურებელი დოკუმენტების სრული ჩამონათვალი იხილეთ ბმულზე. გაითვალისწინეთ, რომ კანდიდატის მიერ წარმოდგენილ დოკუმენტში უნდა ჩანდეს მისი მინ. B2 კომპეტენცია ერთიანი ევროპული სარეკომენდაციო ჩარჩოს (CEFR) მიხედვით |
სავალდებულოა | სავალდებულოა | სავალდებულოა |
| მიმდინარე საფეხურის ნიშნების ფურცელი გაცემული უნივერსიტეტის მიერ / Transcript of Records
2025-26 სასწავლო წლის შემოდგომის სემესტრის ნიშნების ფურცელს, არგუსის დახურვის შემდეგ, შესაბამისი ფაკულტეტისაგან გამოითხოვს საერთაშორისო ურთიერთობების |
სავალდებულოა | სავალდებულოა | სავალდებულოა |
შევსებული და დეკანის მიერ ხელმოწერილი სასწავლო ხელშეკრულება / Learning Agreement
ექსპერტისთვის სასწავლო ხელშეკრულების გაგზავნის ბოლო ვადა: 4 თებერვალი 2026 (18:00 საათი) |
სავალდებულოა | სავალდებულოა,
თუ კანდიდატი არ გეგმავს საგნების აღებას/კრედიტების მოპოვებას, საკმარისია მხოლოდ კვლევის დასახელების მითითება |
სავალდებულოა,
თუ კანდიდატი არ გეგმავს საგნების აღებას/კრედიტების მოპოვებას, საკმარისია მხოლოდ კვლევის დასახელების მითითება
|
| საკონკურსო პერიოდში გაცემული აქტიური სტუდენტის სტატუსის დამადასტურებელი ცნობა / Proof of Enrollment
იმ შემთხვევაში, თუ განაცხადის შემოტანის დროს სტუდენტისათვის ცნობილია, რომ ხელშეკრულებით გათვალისწინებულ პერიოდში სწავლას ვერ ასრულებს (უწევს დამატებითი სემესტრის გავლა), აღნიშნული უნდა აისახოს სტუდენტის სტატუსის შესახებ ცნობაში. |
სავალდებულოა | სავალდებულოა | სავალდებულოა
სტუდენტებს, რომლებსაც დაცული აქვთ პროსპექტუსი, აღნიშნულ ცნობაში უნდა მოხდეს ამის მითითება, წინააღმდეგ შემთხვევაში განაცხადი დახარვეზდება |
| მშობლიური და მასპინძელი უნივერსიტეტების სამეცნიერო ხელმძღვანელების მიერ ხელმოწერილი კვლევის გეგმა / Research Plan
|
სავალდებულოა მხოლოდ იმ დამამთავრებელი სემესტრის ბაკალავრებისთვის, რომლებიც გეგმავენ საბაკალავრო ნაშრომის დაცვას
კვლევის გეგმის ფორმა ჩამოტვირთვა |
სავალდებულოა მხოლოდ დამამთავრებელი მაგისტრანტებისათვის
კვლევის გეგმის ფორმა ჩამოტვირთვა |
სავალდებულოა
კვლევის გეგმის ფორმა: ჩამოტვირთვა |
| ასეთის არსებობის შემთხვევაში, ეკონომიკური, სოციალური ან/და ჯანმრთელობის პრობლემის დამადასტურებელი ცნობა (იხილეთ მუხლი 3, პუნქტი 4) / Proof of disability, social or economic vulnerability (if relevant) | ასეთის არსებობის შემთხვევაში | ასეთის არსებობის შემთხვევაში | ასეთის არსებობის შემთხვევაში |
| ბაკალავრიატის საფეხურის დიპლომი / BA Diploma | – | სავალდებულოა | – |
| ბაკალავრიატის საფეხურის დიპლომის დანართი (ნიშნების ფურცელი) / BA Diploma Supplement (transcript of records)
სავალდებულოა, რომ დიპლომის დანართში შეფასებები ასახული იყოს 100-ქულიანი სისტემით |
– | სავალდებულოა | – |
| სამაგისტრო საფეხურის დიპლომი / MA Diploma | – | – | სავალდებულოა |
| სამაგისტრო საფეხურის დიპლომის დანართი (ნიშნების ფურცელი) / MA Diploma Supplement (transcript of records)
სავალდებულოა, რომ დიპლომის დანართში შეფასებები ასახული იყოს 100-ქულიანი სისტემით |
– | – | სავალდებულოა |
| მოთხოვნის შესაბამისად, წინასწარი თანხმობის წერილი მიმღები უნივერსიტეტის პროფესორისგან / Preliminary Confirmation Letter
საკმარისია ელ-ფოსტით მიღებული თანხმობა |
– | – | კონკრეტული უნივერსიტეტის მოთხოვნის შესაბამისად |
საჭირო ინფორმაცია და შესავსები დოკუმენტები:
საუნივერსიტეტო და საკონკურსო პროცედურების ადმინისტრირების წესები სტუდენტებისთვის
კონკურსის ეტაპზე:
მობილობამდე:
მობილობის შემდეგ:
კონკურსის შედეგები 2026-2027 სასწავლო წლის შემოდგომის სემესტრისთვის გამოქვეყნდება მარტის ბოლოს
რა ეტაპებს გადის განაცხადი საბოლოო შერჩევამდე?
დეტალური ინფორმაცია კონკურსის ეტაპების, კრიტერიუმების და ვადების შესახებ იხილეთ დოკუმენტში: ილიას სახელმწიფო უნივერსიტეტის სტუდენტთათვის გაცვლითი საგანმანათლებლო პროგრამის ადმინისტრირების წესი და პროცედურები
როგორ დავადასტურო სტიპენდიის მიღებაზე თანხმობა?
მასპინძელი უნივერსიტეტისგან პირველივე დადებითი პასუხის მიღების შემდეგ სტუდენტმა 3 სამუშაო დღის ვადაში უნდა დაადასტუროს ან უარი თქვას მიღებულ სტიპენდიაზე. სტუდენტმა გადაწყვეტილების შესახებ წერილობით უნდა აცნობოს საერთაშორისო ურთიერთობების სამსახურს. 3 დღის ვადის დარღვევის შემთხვევაში, სტუდენტი ავტომატურად მოიხსნება კონკურსიდან და სტიპენდია გადაეცემა რანჟირებულ სიაში მყოფ მომდევნო კანდიდატს.
შესაძლებელია თუ არა სტიპენდიაზე უარის თქმა მას შემდეგ, რაც სტუდენტმა უკვე განაცხადა თანხმობა?
იმ შემთხვევაში, თუ გარკვეული მიზეზის გამო, სტუდენტს უწევს უარის თქმა სტიპენდიაზე, იგი ვალდებულია ამის შესახებ წერილობით აცნობოს მშობლიური და მასპინძელი უნივერსიტეტების საერთაშორისო ურთიერთობების სამსახურს ელ-ფოსტაზე: erasmusplus@iliauni.edu.ge.
რა ტიპის აქტივობები განხორციელდება შერჩეული სტუდენტებისათვის?
ილიას სახელმწიფო უნივერსიტეტის საერთაშორისო ურთიერთობების სამსახური ორგანიზებას უწევს გამგზავრების წინა საორიენტაციო შეხვედრას (PDO) ERASMUS+ გაცვლითი პროგრამის ფარგლებში გამარჯვებული სტუდენტებისთვის. შეხვედრა მიზნად ისახავს გამარჯვებული სტუდენტებისათვის სხვადასხვა სახის გამოცდილებისა და პრაქტიკული რჩევების გაზიარებას და შიდა საუნივერსიტეტო პროცედურების შესახებ ინფორმაციის მიწოდებას. შეხვედრას ესწრებიან ERASMUS+ პროგრამის კურსდამთავრებულები, რომლებიც ახლად შერჩეულ სტუდენტებს ინფორმაციას აწვდიან მათთვის შესაბამისი ქვეყნისა და უნივერსიტეტის შესახებ.
მობილობის დაწყებამდე რა პროცედურების გავლაა საჭირო მშობლიურ უნივერსიტეტში?
მობილობის დაწყებამდე სტუდენტი ვალდებულია, უზრუნველყოს სასწავლო ხელშეკრულების საბოლოო ვერსიის (Before the mobility) შეთანხმება კურიკულუმის ექსპერტთან და მისი დამოწმება ფაკულტეტის დეკანის მიერ.
ამასთან, გამგზავრებამდე არა უმეტეს ერთი თვით და არა უგვიანეს ორი კვირით ადრე, სტუდენტმა საქმის კურსში უნდა ჩააყენოს უნივერსიტეტის ადმინისტრაცია. ამისათვის, სტუდენტი რექტორის სახელზე წერს განცხადებას გაცვლითი სტუდენტის სტატუსის მინიჭების შესახებ, რომელსაც სტუდენტმა თან უნდა დაურთოს მასპინძელი უნივერსიტეტიდან მიღებული მოწვევის წერილის ნოტარიულად დამოწმებული ქართული თარგმანი.
მობილობის განხორციელების შემთხვევაში გვინარჩუნდება თუ არა აქტიური სტუდენტის სტატუსი ილიაუნიში?
განათლებისა და მეცნიერების სამინისტროს მიერ კანონში შესული ცვლილების შესაბამისად, სტუდენტს, რომელიც გაცვლით პროგრამაში მონაწილეობს, არ აქვს უფლება მშობლიურ უნივერსიტეტში აიღოს აკადემიური შვებულება. შესაბამისად, საზღვარგარეთ მობილობის პერიოდში სტუდენტის აკადემიური სტატუსი ილიას სახელმწიფო უნივერსიტეტში რჩება აქტიური.
მობილობის პერიოდში სტუდენტს ენიჭება გაცვლითი სტუდენტის სტატუსი, რა დროსაც, არგუსის სისტემაში, კურსების არჩევის რეჟიმი პასიურია, ხოლო განცხადების გაგზავნის ფუნქცია – აქტიური.
რა ვადებში მომენიჭება გაცვლითი სტუდენტის სტატუსი ილიაუნიში?
გაცვლითი სტუდენტის სტატუსის მინიჭებას განსაზღვრული ვადები არ აქვს. შესაძლოა, სტატუსის ცვლილების ასახვას დასჭირდეს 30 კალენდარული დღე. იმ შემთხვევაში, თუ ცვლილებამდე სტუდენტს დაეკისრა ჯარიმა, რომელიც გულისხმობს შესაბამისი სემესტრის სწავლის საფასურის გადახდის ვადის გადაცილებას, ჯარიმა მოიხსნება სტატუსის შეცვლის პერიოდში.
როდის მიწევს სწავლის საფასურის გადახდა ილიაუნიში?
სტუდენტი, რომელიც სარგებლობს უნივერსიტეტის მიერ ადმინისტრირებული დაფინანსებული გაცვლითი პროგრამით, მობილობის პერიოდში აგრძელებს სწავლის საფასურის გადახდას მშობლიურ უნივერსიტეტში მოქმედი ხელშეკრულებით დადგენილი ვადებისა და საფასურის გადახდის გრაფიკის გათვალისწინებით (იხ. მუხლი 6).
სწავლის საფასურის გადახდის გრაფიკი იხილეთ არგუსის სისტემაში. გაითვალისწინეთ, რომ მობილობის შემდგომი სემესტრის გადახდის გრაფიკი შესაძლოა ემთხვეოდეს მიმღებ უნივერსიტეტში ყოფნის პერიოდს, თუმცა აღნიშნულის გამო გადასახადის გრაფიკის გადავადება არ მოხდება.
შესაძლებელია თუ არა სასწავლო ხელშეკრულებაში ცვლილებების შეტანა? რა საბუთის წარდგენა მიწევს ცვლილების შემთხვევაში?
სასწავლო ხელშეკრულებაში საგნების შეცვლა შესაძლებელია მობილობის დაწყებიდან საშუალოდ 1 თვის ვადაში. მასპინძელ უნივერსიტეტში ჩასვლის შემდეგ, წინასწარ არჩეული საგნების ჩამონათვალში ნებისმიერი ტიპის ცვლილების შემთხვევაში, სტუდენტი ვალდებულია სასწავლო ხელშეკრულების ცვლილების ნაწილი (During the Mobility) შეათანხმოს კურიკულუმის ექსპერტთან და დეკანის მიერ დადასტურებული დოკუმენტი ასევე გამოგზავნოს erasmusplus@iliauni.edu.ge ელფოსტაზე.
როდის მივიღებ სტიპენდიას მიმღებ უნივერსიტეტში?
სტიპენდიის გაცემის პირობები, ისევე, როგორც პერიოდი, განსხვავებულია და დამოკიდებულია მიმღებ უნივერსიტეტზე. სტუდენტი ყურადღებით უნდა გაეცნოს საგრანტო ხელშეკრულებას (Grant Agreement), რომელშიც ასახულია დეტალური ინფორმაცია სტიპენდიასთან დაკავშირებით. დამატებითი კითხვების შემთხვევაში მიმართეთ მასპინძელი უნივერსიტეტის საერთაშორისო ურთიერთობების სამსახურს/ერაზმუს+ პროგრამის კოორდინატორს.
შემიძლია თუ არა მობილობის პერიოდში მასპინძელი ქვეყნის დატოვება?
ზოგადი რეგულაცია მობილობის პერიოდში მასპინძელი ქვეყნის დროებით დატოვების შესახებ ერაზმუსს არ აქვს და მას ადგენს კონკრეტული მასპინძელი უნივერსიტეტი. საჭიროების შემთხვევაში, პირველ ყოვლისა, დეტალურად გაეცანით საგრანტო ხელშეკრულების პირობებს. ამასთან, აუცილებლად წერილობითი ფორმით შეათანხმეთ გადაადგილების პირობები მასპინძელი უნივერსიტეტის კოორდინატორთან.
შემიძლია თუ არა მობილობის გაგრძელება მასპინძელ უნივერსიტეტში?
სტუდენტს, რომელიც სარგებლობს ერთსემესტრიანი მობილობით, მასპინძელ უნივერსიტეტში სწავლის გაგრძელება შეუძლია მხოლოდ ე. წ. ნულოვანი გრანტის (Zero Grant) ფარგლებში.
ნულოვანი გრანტი გულისხმობს სტიპენდიის გარეშე მობილობას, თუმცა სტუდენტს ამ დროს უნარჩუნდება გაცვლითი სტუდენტის სტატუსი და თავისუფლდება სწავლის საფასურის გადახდისაგან როგორც მასპინძელ, ისე მშობლიურ უნივერსიტეტში.
როგორ მოხდება აქტიური სტუდენტის სტატუსის აღდგენა ილიაუნიში?
აქტიური სტუდენტის სტატუსის აღდგენა ილიაუნიში მოხდება ავტომატურად, სემესტრის დაწყებისთანავე.
რა სახის საბუთის წარდგენა მიწევს ილიაუნიში მობილობის დასრულების შემდგომ?
მობილობის დასრულების შემდგომ სტუდენტმა უნდა წარადგინოს ა) სასწავლო ხელშეკრულების საბოლოო ვერსია, რომლის სამივე ნაწილიც იქნება სრულად შევსებული და დადასტურებული ყველა მხარის ხელმოწერით და ბ) მასპინძელი უნივერსიტეტის მიერ გაცემული ოფიციალური ნიშნების ფურცელი.
როგორ ხდება მიმღებ უნივერსიტეტში გავლილი საგნების ილიაუნიში აღიარება?
კრედიტების აღიარების პროცედურისათვის ვადა არ არის განსაზღვრული. კრედიტების აღიარება მოხდება მასპინძელი უნივერსიტეტის მიერ გაცემული ოფიციალური ნიშნების ფურცლის საფუძველზე.
კრედიტების აღიარება რამდენიმე საფეხურისაგან შედგება:
- ოფიციალური ნიშნების ფურცლის ქართულ ენაზე თარგმნა და ნოტარიულად დამოწმება;
- განცხადება უცხოეთში მიღებული განათლების შესაბამისობის დადგენის მოთხოვნით (ილიას სახელმწიფო უნივერსიტეტის რექტორის სახელზე);
- ფაკულტეტის მიერ მომზადებული შესაბამისი დასკვნის წარდგენა განათლების ხარისხის განვითარების ეროვნულ ცენტრში უცხოეთში მიღებული განათლების აღიარების მოთხოვნით;
- განათლების ხარისხის ეროვნული ცენტრის მიერ გაცემული დასკვნის საფუძველზე, არგუსის სისტემაში აღიარებული კრედიტების ასახვის მოთხოვნა (ილიას სახელმწიფო უნივერსიტეტის რექტორის სახელზე).
როდის შევძლებ საგნების არჩევას?
საგნების არჩევა შესაძლებელი იქნება სისტემა „არგუსში“ საგნების არჩევის რეჟიმის ჩართვისთანავე. იმ შემთხვევაში, თუ სტუდენტმა ვერ მოახერხა მიმღებ უნივერსიტეტში გავლილი საგნების აღიარება სემესტრის დასაწყისისთვის, იგი ვალდებულია მიმართოს შესაბამისი ფაკულტეტისა და პროგრამის ხარისხის უზრუნველყოფის (კურიკულუმის) ექსპერტს, რათა სწორი მოდულის ფარგლებში მოხდეს საგნების არჩევა.
რა ხდება იმ შემთხვევაში, თუ სტუდენტმა ვერ ჩამოიტანა სასწავლო ხელშეკრულებით გათვალისწინებული კრედიტები/საგნები?
სტუდენტები, რომლებიც ვერ მოაგროვებენ ან არ უღიარდებათ სასწავლო ხელშეკრულებით გაწერილ სასწავლო კურსებში კრედიტები (სემესტრში 30 კრედიტი ან სასწავლო წლის განმავლობაში 60 კრედიტი) და რაც გამოწვეული იქნება მიმღები უნივერსიტეტის ბრალეულობით, არ იხდიან დამატებითი კრედიტის/კრედიტების ან სემესტრული სწავლების საფასურს გაცვლითი პერიოდის დასრულების შემდეგ შესაბამისი კურსის გავლაში. ხოლო ის სტუდენტები, რომლებიც სასწავლო ხელშეკრულებით გაწერილ სასწავლო კურსებში ვერ მიიღებენ კრედიტებს უარყოფითი შეფასების გამო, გადაიხდიან დამატებითი კრედიტის/კრედიტების ან სემესტრული სწავლის საფასურს უნივერსიტეტში მოქმედი წესის შესაბამისად
დეტალურად იხილეთ ბმულზე (მუხლი 6)
რა ვადებში და როგორ ხდება სამაგისტრო ნაშრომის დაცვა ილიაუნიში?
იმ სტუდენტისთვის, რომლის მობილობის პერიოდი ემთხვევა მშობლიურ უნივერსიტეტში დამამთავრებელ სემესტრს, სამეცნიერო-კვლევითი კომპონენტის შესრულებისა და დაცვის პირობები უნდა განისაზღვროს ინდივიდუალურად ილიას სახელმწიფო უნივერსიტეტის შესაბამისი ფაკულტეტის/სკოლის სამაგისტრო საფეხურის შესაბამისი საგანმანათლებლო პროგრამის სამაგისტრო პროექტისა და ნაშრომის კონცეფციით გათვალისწინებულ მოთხოვნებზე დაყრდნობით. სტუდენტი ვალდებულია, დაიცვას ფაკულტეტის/სკოლის მიერ დადგენილი საბაკალავრო/სამაგისტრო ნაშრომის დაცვის ვადები. დაუშვებელია სამაგისტრო ნაშრომის დაცვა დისტანციურად.
