Erasmus+ გაცვლითი პროგრამა ილიაუნის აკადემიური და ადმინისტრაციული პერსონალისთვის

რა ეტაპებს გადის განაცხადი საბოლოო შერჩევამდე?

• დეტალური ინფორმაცია კონკურსის ეტაპების, კრიტერიუმების და ვადების შესახებ იხილეთ დოკუმენტში: გაცვლითი პროგრამის ადმინისტრირების წესები და პროცედურები უნივერსიტეტის აკადემიური და ადმინისტრაციული პერსონალისთვის

რის საფუძველზე ხდება კანდიდატთა ნომინირება ადმინისტრაციული პერსონალის შემთხვევაში?

• ადმინისტრაციული პერსონალის კონკურსის ფარგლებში  ვალიდური აპლიკაციების მქონე კანდიდატებთან ჩატარდება გასაუბრება. გასაუბრებაში მიღებული შეფასების საფუძველზე კანდიდატების მასპინძელ უნივერსიტეტში ნომინირების შესახებ გადაწყვეტილებას იღებს გასაუბრების კომისია (იხ. მუხლი 2.4).

რის საფუძველზე ხდება კანდიდატთა ნომინირება აკადემიური პერსონალის შემთხვევაში?

• აკადემიური პერსონალის კონკურსის ფარგლებში ვალიდური აპლიკაციების მქონე კანდიდატების ინფორმაცია საბოლოო შერჩევისთვის ეგზავნებათ მასპინძელ უნივერსიტეტს(ებს). იმ შემთხვევაში, თუ მასპინძელი უნივერსიტეტი უარს ამბობს თავად შეარჩიოს კანდიდატი, ილიას სახელმწიფო უნივერსიტეტი მოახდენს ვალიდური კანდიდატების რანჟირებას ბონუს სისტემის მიხედვით, რომელიც ითვალისწინებს შემდეგ მონაცემებს: გაცვლით პროგრამაში მონაწილეობის წინა გამოცდილება, ენის სერტიფიკატი, სტაჟი, თანამშრომლობა მასპინძელ უნივერსიტეტთან, აკადემიური თანამდებობა (იხ. მუხლი 2.5).

მობილობის დაწყებამდე რა პროცედურების გავლაა საჭირო მშობლიურ უნივერსიტეტში?

• Erasmus+ მობილობის განხორციელებამდე, აკადემიური და ადმინისტრაციული პერსონალი ვალდებულია მიმართოს რექტორს (აკადემიური პერსონალის შემთხვევაში) და ადმინისტრაციის ხელმძღვანელს (ადმინისტრაციული პერსონალის შემთხვევაში) მივლინების გაფორმების შესახებ სამსახურებრივი ბარათით მივლინების დაწყებამდე არაუგვიანეს 3 სამუშაო დღისა.
• მივლინების გაფორმების წესი Erasmus+ მობილობის დროს აკადემიური პერსონალისთვის
• მივლინების გაფორმების წესი Erasmus+ მობილობის დროს ადმინისტრაციული პერსონალისთვის 

როდის მივიღებ სტიპენდიას მასპინძელ უნივერსიტეტში? 

• სტიპენდიის გაცემის პირობები, ისევე, როგორც პერიოდი, განსხვავებულია და დამოკიდებულია მიმღებ უნივერსიტეტზე და კონკრეტულ ქვეყანაში არსებულ რეგულაციებზე. შერჩეული კანდიდატი ყურადღებით უნდა გაეცნოს საგრანტო ხელშეკრულებას (Grant Agreement), რომელშიც ასახულია დეტალური ინფორმაცია სტიპენდიასთან დაკავშირებით. დამატებითი კითხვების შემთხვევაში მიმართეთ მასპინძელი უნივერსიტეტის საერთაშორისო ურთიერთობების სამსახურს/ერაზმუს+ პროგრამის კოორდინატორს.
• ამასთან, სტიპენდიის მიღება, ძირითად შემთხვევაში, ხდება მობილობის დაწყების შემდგომ. ამდენად გასათვალისწინებელია, რომ კანდიდატს შესაძლოა მოუწიოს მობილობის დაგეგმვასთან დაკავშირებული გარკვეული ხარჯების მობილიზება სტიპენდიის მიღებამდე.

რა პროცედურები უნდა გავიარო ილიაუნიში მობილობის დასრულების შემდგომ? 

• მობილობის დასრულების შემდეგ გაცვლითი პროგრამის მონაწილე პერსონალმა 2 კვირის ვადაში შეავსოს და მიაწოდოს საერთაშორისო ურთიერთობების სამსახურს მობილობის დროს განხორციელებული აქტივობების ანგარიში და თან დაურთოს ის (სასწავლო) მასალები, რაც გამოიყენა მობილობის დროს, ასევე დეტალურად აღწეროს შედეგები და დაურთოს მტკიცებულებები (არსებობის შემთხვევაში).

• პროგრამის მონაწილე მობილობის დასრულების შემდეგ ვალდებულია შეავსოს საერთაშორისო ურთიერთობების სამსახურის კითხვარი.

• მობილობის დასრულების შემდეგ ერთი თვის ვადაში ვალდებულია განახორციელოს წინასწარ დაგეგმილი დისემინაციის აქტივობები (პრეზენტაცია, საჯარო ლექცია, რეპორტის საიტზე განთავსება, ა.შ.). დაგეგმილი აქტივობის შესახებ ინფორმაცია უნდა მიეწოდოს საერთაშორისო ურთიერთობების სამსახურს დაუყოვნებლივ.